بى غيرته سر به څه کړم، چى اختيار ئې د پردی وی
سمیر شجاع
بیغيرته سر به څه کړم
چى اختيار ئې د پردي وي
نو بى سره تن مى ښه دئ
نه چې تللې آزادي وي
که همت د لاسه ور کړو
په ميدان دجنګ کښې وروره
نه به ته ئې نه به زه يم
نه به زيرئ د بري وي
که په وينو کښې لمبلئ
سر په لاس کى دى نيولئ
د اسلام مرچل ګټلئ
هلته شور به وي مستي وي
که ژوندون کښې غلامي وي
او د کفر سر زوري وي
چې پردئ لاس دى په سروي
باد شاهى به نو کري وي
غيرت داسى خزانه ده
که مؤمن ته په نصيب شي
دئ به خان د دو جهان شي
هم به ښاد او خوشحالي وي
هغه کور کښې چى ميړونه
خپلو ښځو شا ته پټ شي
بړوه ګان دي نران نه دي
په ظاهر کښې که سړي وي
ربه آل اولاد مى ساته
په دنيا کښې له دى حاله
چې غافل له آخرت شي
او د عيش په بند بندي وي
د سمير نه دومره واوره
چې همت دى اوچت ساته
الله په لاره مرګ هم
مسلمان ته سر لوړي وي
(سمیر شجاع)