افغانستان ته ريل ګاډۍ پټلى غځیږي
لیږونکی: محسن علې زی
ټاکل سوې ده چي ډېر ژر له ازبکستان څخه افغانستان ته د ريل ګاډۍ د پټيلو د غځولو کار پيل سي.
دغه پروژه د افغان – ازبک حکومتونو له خوا لاسليک سوې چي د UTY په نوم د ازبکستان د ريل ګاډيو ملي کمپنۍ به يې چاري د ١٢٩ ميليونو ډالرو په لګښت پر مخ بوزي.
افغان مقامات وايي د ريل ګاډيو پټلى به لومړى حيرتان او له هغه ځايه به د ٧٥ کيلومتره په اږدوالي د بلخ ولايت ته وغځول سي، چي ټولي چاري به يې د ٢٠١١ کال تر جون پوري بشپړ سي.
د افغان چارواکو په وينا د مزار شريف ښار ته د ريل ګاډۍ غځول به افغانستان ته له منځنۍ آسيا سره د تجارتي راکړي ورکړي په چارو کي ډېره اسانتيا رامنځته کړي.
افغانستان تر دې دمخه د پاکستان سره هم يو تړون لاسليک کړئ و چي له چمن ښار ګوټي څخه تر کندهار پوري د ريل ګاډۍ پټلى وغځوي خو د څو کلونو په تېرېدو يې تر اوسه چاري نه دي پيل سوي..
سلیمان